Ընտրի՛ր տարածաշրջանը.
Իմ դպրոցը
Բամբակաշատի միջնակարգ դպրոց
Բամբակաշատի միջնակարգ դպրոցը կառուցվել է 1938 թվականին, գործել է 1939-40 ուստարվանից: Այդ ուսումնական տարում դպրոցում աշխատել է 20 ուսուցիչ, որոնցից 2-ը` բարձրագույն, մյուսները` միջնակարգ կրթությամբ:
1940 թ-ից մինչև 1965թ. դպրոցի տնօրենն էր Շավարշ Հովհաննիսյանը:
2011-2012 ուսումնական տարում դպրոցն ունի 400 աշակերտ, 19 դասարան: Դպրոցում դասավանդում են 35 ուսուցիչներ, 31-ը` բարձրագույն, իսկ 4-ը` միջնակարգ մասնագիտական կրթությամբ: Դպրոցի տնօրենն է Պետրոս Ղամբարյանը:
Դպրոցում ձևավորված են մանկավարժական, ծնողական, հոգաբարձուների, աշակերտական խորհուրդներ և առարկայական մասնախմբեր:
Դպրոցն ունի խաղահրապարակներ, սպորտային և նիստերի դահլիճ, գրադարան` ընթերցասրահով, լաբորատորիաներ, ինչպես նաև համակարգչային կաբինետ և համացանց: Դպրոցում անվանակոչվել են կաբինետներ` համագյուղացի բանաստեղծ-դրամատուրգ Սաղաթել Հարությունյանի, Հայրենական մեծ պատերազմին մասնակցած ուսուցիչների անուններով:
Դպրոցը սովորողների կրթության և դաստիարակության հարցում ունի մեծ հաջողություններ, շրջանավարտների 50-60% ընդունվում են բարձրագույն ուսումնական հաստատություններ և քոլեջներ, իսկ հիմնական դպրոցն ավարտած աշակերտների զգալի մասն ուսումը շարունակում է ավագ դպրոցում:
ՀՀ Ազգային ժողովի և ԿԳ նախարարության կողմից պարգևատրվել են երկու ուսուցիչ`
1. Պարոնյան Գայանե`
ա. ԿԳ նախարարի և Ամենայն հայոց կաթողիկոսի կողմից 2004 թ-ին պարգևատրվել է հայոց լեզվի և գրականության «Լավագույն ուսուցիչ» պատվոգրով:
բ. 2012 թ-ին պարգևատրվել է ՀՀ Ազգային ժողովի պատվոգրով` Մայրենի լեզվի օրվա առթիվ և հայոց լեզվի պահպանման գործում ունեցած ներդրման համար:
2. Մարգարյան Արեգնազան` 2011 թ-ին պարգևատրվել է ՀՀ Ազգային ժողովի «Պատվո մեդալ»-ով Ապրիլի 7-ի առթիվ:
Աշխարհագրական դիրքը
Անճշտությունների համար կայքը պատասխանատվություն չի կրում:
