Ընտրի՛ր տարածաշրջանը.
Իմ դպրոցը
Գյումրու "Բալատոն" վարժարան
ՀՀ ԿԳՆ «Բալատոն» ավագ դպրոցը հանդիսանում է «Բալատոն» վարժարանի իրավահաջորդը: «Բալատոն» վարժարանը հիմնադրվել է 1989 թ-ին Հունգարական կարմիր խաչի կողմից և հանդիսանում էր մաթեմատիկական թեքումով դպրոց-ինտերնատի իրավահաջորդը:
Գործունեության ընթացքում կրթարանը միշտ իրականացրել է հոսքային ուսուցում: Սկզբնական շրջանում` ֆիզմաթ թեքումով, իսկ 1989 թ-ից նաև հումանիտար, բնագիտական և տնտեսագիտական:
Վարժարանում հիմնադրման օրվանից աշխատել են Շիրակի մարզի լավագույն մասնագետները, որոնցից շատերն այսօր մարզում գործող շատ դպրոցների տնօրեններ են, դասախոսներ և գիտնականներ:
Վերջին 20 տարվա ընթացքում կրթարանն ունեցել է 48 մեդալակիրներ, իսկ շրջանավարտներից շատերը ընդունվել են հանրապետության տարբեր բուհեր:
Լինելով Շիրակի մարզի մայր վարժարանը` կրթարանն ակտիվորեն մասնակցել է հանրապետական օլիմպիական շարժմանը:
Վարժարանի նախկին տնօրեն Վ. Բարսեղյանը 1996 թ-ին ներկայացնում էր ՀՀ մաթեմատիկայի օլիմպիական թիմը մաթեմատիկայի միջազգային օլիմպիադայում, որն անցկացվում էր Կանադայում:
2003 թ-ին «Բալատոն» վարժարանը օլիմպիական պարգևներով հանրապետությունում զբաղեցնում էր 3-րդ տեղը:
Կրթարանի սաներն այսօր էլ ակտիվորեն մասնակցում են առարկայական օլիմպիադաներին, արժանանում դիպլոմների և պատվոգրերի:
Այսօր` դառնալով ավագ դպրոց, կրթարանը շարունակում է վարժարանի լավագույն ավանդույթները: Դպրոցում աշխատող 18 մանկավարժներից 16-ն ունեն հավաստագրեր, 6-ը օլիմպիական հանձնաժողովների անդամներ են, 2-ն ունեն գիտական կոչում և արժանացել են կառավարական տարբեր պարգևների: Դպրոցի աշակերտական խորհուրդն ակտիվորեն մասնակցում է քաղաքի հասարակական կյանքին:
Աշխարհագրական դիրքը
Անճշտությունների համար կայքը պատասխանատվություն չի կրում:
