Ընտրի՛ր տարածաշրջանը.
Իմ դպրոցը
Շիրակավանի միջնակարգ դպրոց
ԽՍՍՀ Պետական կենտրոնական պատմական արխիվի, «Երևանի նահանգի ժողովրդական դպրոցների դիրեկցիա»-ի և «Երևանի հայոց թեմատիկ վարչության» ֆոնդերում տեղեկություններ կան Ալեքսանդրապոլի գավառի Տավշանղշլաղի /այժմ Անիի շրջան, Շիրակավան/ պետական երկդասյան արական, պետական տարրական, իգական սեռի Պողոս-Պետրոս եկեղեցուն կից միադասյան ծխական դպրոցների և նույն գավառի Սվանվերդի /Այժմ Լուսաղբյուր/ գյուղի եկեղեցական ծխական դպրոցի մասին:
1. Ըստ վավերագրերի Տավշանղշլաղի պետական միդասյան արական դպրոցը հիմնադրվել է 1896 թվի հոկտեմբերի վեցին: Հետագայում այն դարձել է երկդասյան: Ըստ մեկ այլ վավերագրի 1913 թ-ին երկդասյան արական դպրոցն ունեցել է 180 աշակերտ, իսկ 1915 թ-ին 169 աշակերտ:
2. Տավշանղշլաղի պետական տարրական իգական դպրոցը հիմնադրվել է 1904 թ-ի նոյեմբերի 16-ին: 1905 թվին դպրոցում սովորել են 6 աշակերտուհիներ: 1907 թվից հետո դպրոցի գործունեության վերաբերյալ տվյալներ չեն հայտնաբերվել:
3. Տավշանղշլաղի եկեղեցական ծխական միդասյան երկսեռ դպրոցը հիմնադրվել է 1875 թվին և վերաբացվել 1913 թ-ին: 1914-1915թթ. դպրոցն ունեցել է 50 աշակերտ, ուսուցիչն է եղել Մկրտիչ Զաքարյանը: Ըստ մեկ այլ վավերագիր 1916-1917 ուստարում դպրոցն ունեցել է 64 աշակերտ և 2 ուսուցիչ: Այժմ մեր դպրոցն ունի 107 աշակերտ:
Աշխարհագրական դիրքը
Անճշտությունների համար կայքը պատասխանատվություն չի կրում: