Ընտրի՛ր տարածաշրջանը.
Իմ դպրոցը
Արարատի թիվ 2 միջնակարգ դպրոց (Պ. Սևակի անվան)
Արարատ քաղաքի Պարույր Սևակի անվան թիվ 2 միջնակարգ դպրոցը (նախկին թիվ 2 դպրոցը) հիմնադրվել է 1958 թ-ին: Դպրոցը եռահարկ է, վերանորոգված, դասերն անց են կացվում մաքուր, լուսավոր, կահավորված դասասենյակներում: Դպրոցում աշխատում են 38 ուսուցիչ, որից 31-ն ունի բարձրագույն կրթություն, 29-ը մասնագիտական մանկավարժական կրթություն: Ունենք վերապատրաստող և տարակարգ ունեցող ուսուցիչներ: Դպրոցում սովորում են 435 աշակերտ: Դպրոցն իրականացնում է տարրական, հիմնական և ավագ դպրոցի կրթական ծրագրեր, իսկ 2011-2012 ուստարվանից` հիմնական դպրոցի կրթական ծրագրեր:
Դպրոցում պահպանված է լաբորատոր գույքը, որն օգտագործվում է միայն ցուցադրումների համար: Ունենք լավ կահավորված համակարգչային կաբինետ, որը շատ է նպաստում ուսուցիչներին` ժամանակակից մեթոդներով աշխատելու համար: Ուսուցիչների հիմնական մասը տիրապետում է համակարգչին, կազմակերպում ենք համակարգչային դասեր, ինչպես նաև անցկացնում ենք դասեր` օգտագործելով ինտերակտիվ գրատախտակը:
Դպրոցը մասնակցել է և շարունակում է մասնակցել տարբեր կրթական ծրագրերի (այդ թվում նաև միջազգային): Էկոլոգիայի «SPARE» ծրագրի շրջանակներում մեր դպրոցը հաղթող է ճանաչվել և ունեցել ենք միջազգային մրցույթի երկրորդ կարգի դիպլոմակիր: Լավ ավանդույթներով և իր աշխատանքային գործունեությամբ դպրոցը համարվում է մարզի լավագույն դպրոցներից մեկը:
Անճշտությունների համար կայքը պատասխանատվություն չի կրում: