Գիտելիքների թեստավորման համակարգ
Մեր նորությունները
30.01.2012
ՄԻԱՍՆԱԿԱՆ ԵՎ ԿԵՆՏՐՈՆԱՑՎԱԾ ՔՆՆՈՒԹՅՈՒՆՆԵՐԻ ՀԱՅՏԱԳՐՈՒՄԸ ԵՎ ՀԱՅՏԱԳՐՄԱՆ ԴՊՐՈՑ-ԿԵՆՏՐՈՆՆԵՐԸԳնահատման և թեստավորման կենտրոնը սույն թվականի փետրվարի 1-ից սկսում է Հայաստանի Հանրապետությունում միջնակարգ հանրակրթական ծրագիր իրականացնող հաստատությունների (անկախ կազմակերպաիրավական ձևից) 2011-2012 ուստարվա շրջանավարտների ՙՀայոց լեզու և հայ գրականություն՚, ՙՄաթեմատիկա՚, ՙՀայոց պատմություն՚, ՙԸնդհանուր պատմություն՚, ՙՔիմիա՚, ՙՖիզիկա՚, ՙՕտար լեզու՚ (անգլերեն, ֆրանսերեն, գերմաներեն, ռուսաց լեզու, իսպաներեն, պարսկերեն, իտալերեն), ՙԱշխարհագրություն՚, ՙԿենսաբանություն՚ առարկաներից պետական ավարտական, միասնական և կենտրոնացված (2012 թվականի բուհերի ընդունելության) քննությունների կազմակերպման գործընթացը:
Միասնական և կենտրոնացված քննություններին մասնակցելու համար շրջանավարտը (դիմորդը) պետք է լրացնի դիմում-հայտ:
2011-2012 ուստարվա շրջանավարտները դիմում-հայտը լրացնում են իրենց ուսումնական հաստատությունում, նախորդ տարիների շրջանավարտները` իրենց բնակության վայրի` այդ նպատակով առանձնացված ուսումնական հաստատությունում, որի մասին տեղեկություն ստանալու համար անհրաժեշտ է դիմել փաստացի բնակության վայրի մարզային (Երևանի քաղաքապետարանի) կրթության վարչություն:
Միասնական և կենտրոնացված քննություններին մասնակցելու համար անհրաժեշտ է`
- 3x4 չափի լուսանկար,
- անձնագրի կամ ծննդյան վկայականի պատճենը,
- ՙՎՏԲ Հայաստան բանկ՚-ում Գնահատման և թեստավորման կենտրոնի 160481037341 հաշվի համարին յուրաքանչյուր քննությանը մասնակցելու համար փոխանցել 1500 (հազար հինգ հարյուր) դրամ և վճարի անդորրագիրը կցել դիմում-հայտին:
Միասնական և կենտրոնացված քննությունների վճարից ազատվում են հետևյալ դիմորդները`
- պարտադիր ժամկետային ծառայությունից զորացրված անձինք,
- 1-ին և 2-րդ խմբերի և մինչև 18 տարեկան մանկուց հաշմանդամները,
- ՀՀ պաշտպանության ժամանակ զոհված զինծառայողների երեխաները,
- առանց ծնողական խնամքի մնացած մինչև 23 տարեկան անձինք:
Վերոգրյալ խմբերին պատկանող անձինք դիմում-հայտին համապատասխանաբար կցում են զինվորական գրքույկի պատճենը, հաշմանդամության տեղեկանքի պատճենը, ՀՀ պաշտպանության նախարարության, ՀՀ կառավարությանն առընթեր ոստիկանության և ՀՀ կառավարությանն առընթեր ազգային անվտանգության ծառայության կողմից տրված տեղեկանքների պատճենները, ինչպես նաև առանց ծնողական խնամքի մնացած լինելու վերաբերյալ համապատասխան փաստաթղթերի պատճենները:
Դիմում-հայտերի ընդունման վերջին ժամկետը 2012 թվականի մարտի 15-ն է: ՙԳնահատման և թեստավորման կենտրոն՚ պետական ոչ առևտրային կազմակերպություն Նախորդ տարիների այն շրջանավարտները, որոնք բուհ ընդունվելու համար ՙՀայոց լեզու և հայ գրականություն՚, ՙՄաթեմատիկա՚, ՙՀայոց պատմություն՚, ՙՌուսաց լեզու՚, ՙԸնդհանուր պատմություն՚, ՙՔիմիա՚, ՙՖիզիկա՚, ՙՕտար լեզու՚ (անգլերեն, ֆրանսերեն, գերմաներեն, իսպաներեն, պարսկերեն, իտալերեն), ՙԱշխարհագրություն՚, ՙԿենսաբանություն՚ առարկաներից հանձնելու են միասնական և (կամ) կենտրոնացված քննություններ, դիմում-հայտը լրացնում են իրենց բնակության վայրի` այդ նպատակով առանձնացված հետևյալ ուսումնական հաստատություններում.
Երևան
Թիվ 66 հիմն. դպրոց (Շենգավիթ)
Թիվ 43 ավագ դպրոց (Էրեբունի, Նուբարաշեն)
Թիվ 19 հիմն. դպրոց (Կենտրոն, Նորք-Մարաշ)
Թիվ 36 հիմն. դպրոց (Արաբկիր)
Թիվ 190 ավագ դպրոց (Մալաթիա-Սեբաստիա)
Թիվ 62 ավագ դպրոց (Նոր Նորք)
Թիվ 127 ավագ դպրոց (Քանաքեռ-Զեյթուն)
Թիվ 118 ավագ դպրոց (Աջափնյակ, Դավթաշեն)
Թիվ 170 ավագ դպրոց (Ավան, Առինջ)
Կոտայքի մարզ
Հրազդանի թիվ 8 հիմն. դպրոց
Աբովյանի թիվ 10 հիմն. դպրոց
Եղվարդի ավագ դպրոց
Նոր Հաճնի ավագ դպրոց
Բյուրեղավանի ավագ դպրոց
Չարենցավանի ավագ դպրոց
Գեղարքունիքի մարզ
Գավառի ավագ դպրոց
Սևանի ավագ դպրոց
Մարտունու ավագ դպրոց
Վարդենիսի ավագ դպրոց
Ճամբարակի ավագ դպրոց
Արագածոտնի մարզ
Աշտարակի ավագ դպրոց
Թալինի ավագ դպրոց
Ապարանի ավագ դպրոց
Ծաղկահովիտի թիվ 1 միջն. դպրոց
Վայոց Ձորի մարզ
Եղեգնաձորի ավագ դպրոց
Ջերմուկի ավագ դպրոց
Վայքի ավագ դպրոց
Արարատի մարզ
Արտաշատի թիվ 1 հիմն. դպրոց
Արարատի թիվ 1 հիմն. դպրոց
Մասիսի ավագ դպրոց
Սյունիքի մարզ
Կապանի թիվ 9 ավագ դպրոց
Մեղրու թիվ 1 միջն. դպրոց
Գորիսի թիվ 4 ավագ դպրոց
Սիսիանի ավագ դպրոց
Լոռու մարզ
Վանաձորի թիվ 5 ավագ դպրոց
Ալավերդու թիվ 2 հիմն. դպրոց
Սպիտակի թիվ 2 հիմն. դպրոց
Ստեփանավանի ավագ դպրոց
Տաշիրի ավագ դպրոց
Շիրակի մարզ
Գյումրու թիվ 3 ավագ դպրոց, Գյումրի, Ախուրյան
Արթիկի թիվ 3 ավագ դպրոց
Մարալիկի թիվ 1 միջն. դպրոց
Աշոցքի միջն. դպրոց
Ամասիայի միջն. դպրոց
Արմավիրի մարզ
Արմավիրի թիվ 4 ավագ դպրոց
Վաղարշապատի թիվ 2 ավագ դպրոց
Գյուղ Մյասնիկյանի միջն. դպրոց
Տավուշի մարզ
Իջևանի ավագ դպրոց
Դիլիջանի ավագ դպրոց
Նոյեմբերյանի ավագ դպրոց
Բերդի ավագ դպրոց
Հարգելի օգտվող. եթե Ձեր համակարգչում բացակայում են աջ կողմում պատկերված ծրագրերը, ապա խնդրում ենք ներբեռնել դրանք, քանի որ կայքի որոշ տարրեր աշխատում են այս ծրագրերի միջոցով:
Կայքի պատրաստումն ու սպասարկումը` Jaguar design park