Գիտելիքների թեստավորման համակարգ
Մեր նորությունները
18.06.2011
Բուհական ընդունելության քննությունների երկրորդ փուլի հայտագրումը` հունիսի 24-ից հուլիսի 2-ը...Այն դիմորդները, ովքեր դեռեւս չեն հայտագրվել Գնահատման եւ թեստավորման կենտրոնում, հունիսի 24-ից հուլիսի 2-ը կարող են ներկայացնել իրենց դիմում-հայտերը եւ մասնակցել ընդունելության քննությունների երկրորդ փուլին: Այդ մասին այսօր «Արմենպրես»-ի հետ զրույցում նշեց Գնահատման եւ թեստավորման կենտրոնի տնօրեն Գուրգեն Խաչատրյանը' ավելացնելով, որ մինչեւ հուլիսի 10-ը կարող են իրենց ընտրած մասնագիտությունը հայտագրել այն բուհում, որտեղ ցանկանում են շարունակել իրենց կրթությունը: «Հիմնականում երկրորդ փուլին մասնակցում են Ջավախքի դիմորդները, արտասահմանցիները, բանակից նոր զորացրվածները»,-ասաց Գ. Խաչատրյանը:
Անդրադառնալով այն հարցին, թե այս տարվա դիմորդների կրթամակարդակի ցածր լինելը չի խանգարի, որպեսզի նրանք հետագայում լինեն լավ մասնագետներ' Գ. Խաչատրյանը նշեց, որ նմանատիպ մտավախություն ունի: «Թեեւ դա արդեն բուհերի խնդիրն է»,- ասաց նա' ավելացնելով, որ կան դիմորդներ, ովքեր չեն պատկերացնում, թե ուր են եկել:
Քննակենտրոնի ղեկավար, ԳԹԿ իրավաբանական բաժնի պետ Էդուարդ Սանթրոսյանը դիմորդներին բաժանեց 2 խմբի' նրանց մի մասը եկել է մասնագիտություն ձեռք բերելու, իսկ մյուս մասը, որպեսզի իր ազատ ժամանակը լցնի:
ԱՐՄԵՆՊՐԵՍ
Հարգելի օգտվող. եթե Ձեր համակարգչում բացակայում են աջ կողմում պատկերված ծրագրերը, ապա խնդրում ենք ներբեռնել դրանք, քանի որ կայքի որոշ տարրեր աշխատում են այս ծրագրերի միջոցով:
Կայքի պատրաստումն ու սպասարկումը` Jaguar design park