Գնահատման և թեստավորման կենտրոնը հունիսի 24-ից սկսում է 2011 թվականի դիմորդների Հայոց լեզու և հայ գրականություն, Հայոց պատմություն, Ընդհանուր պատմություն,  Մաթեմատիկա, Անգլերեն, Ֆրանսերեն, Գերմաներեն, Իտալերեն, Իսպաներեն,  Պարսկերեն, Ռուսաց լեզու, Ֆիզիկա, Քիմիա, Կենսաբանություն և Աշխարհագրություն առարկաների միասնական (բուհերի ընդունելության) լրացուցիչ քննությունների կազմակերպման գործընթացը: 

Միասնական լրացուցիչ քննությանը (2011թ. բուհերի ընդունելության) կարող են մասնակցել`  

* պարտադիր ժամկետային զինվորական ծառայությունից 2011թ. զորացրվածները,

* սփյուռքի շրջանավարտները,  այն դիմորդները, որոնք միասնական քննությունների հիմնական փուլին հարգելի պատճառով ի վիճակի չեն եղել մասնակցել,

* այն դիմորդները, որոնք առաջին փուլի քննություններին մասնակցելու համար չեն հայտագրվել,

* բողոքարկման հանձնաժողովի կողմից միասնական լրացուցիչ քննությանը մասնակցելու թույլտվություն ստացած շրջանավարտները: 

Միասնական լրացուցիչ քննությանը մասնակցելու համար անհրաժեշտ է`  

* լրացնել դիմում-հայտ,

* ներկայացնել ՎՏԲ-Հայաստան բանկ160481037341 հաշվեհամարին փոխանցված, 1500 (հազար հինգ հարյուր) դրամի անդորրագիր` յուրաքանչյուր քննության համար,  անձը հաստատող փաստաթղթի պատճեն,

* 3X4 չափի լուսանկար: 

Միասնական քննությունների վճարից (1500 դրամ) ազատվում են`

* պարտադիր ժամկետային զինվորական ծառայությունից զորացրվածները,

* առաջին ու երկրորդ խմբերի և մինչև 18 տարեկան մանկուց հաշմանդամները,

* ՀՀ պաշտպանության ժամանակ զոհված զինծառայողների երեխաները,

* առանց ծնողական խնամքի մնացած մինչև 23 տարեկան անձինք: 

Վերոգրյալ խմբերին պատկանող անձինք դիմում-հայտին համապատասխանաբար կցում են զինվորական գրքույկի պատճենը, հաշմանդամության գրքույկի պատճենը, ՀՀ պաշտպանության նախարարության, ՀՀ կառավարությանն առընթեր ոստիկանության և ՀՀ կառավարությանն առընթեր ազգային անվտանգության ծառայությունների կողմից տրված տեղեկանքների պատճենները, ինչպես նաև առանց ծնողական խնամքի մնացած լինելու վերաբերյալ համապատասխան փաստաթղթերի պատճենները: 

Դիմում-հայտերը լրացվում և ընդունվում են Գնահատման և թեստավորման կենտրոնում հունիսի 24-ից` ամեն օր` ժամը 10:00- 17:00, բացի կիրակի օրից` հունիսի 26-ից: Շաբաթ օրը` հունիսի 25-ին, մինչև ժամը 14:00: 

Հասցեն` Երևան, Այգեստան 9/4: Ընդունման ժամկետն ավարտվում է հուլիսի 2-ին` ժամը 16:00-ին:

Լրացուցիչ տեղեկությունների համար զանգահարել 57 54 60 հեռախոսահամարով:

Գնահատման և թեստավորման կենտրոն