Գիտելիքի գնահատում ծրագիր

2010 թ. հունվարից Թեստեր.am գիտելիքների թեստավորման համակարգը հանդես է գալիս "Սովորողի գիտելիքների արտաքին գնահատում" ծրագրով:   

Ծրագրի էությունը և նորույթը
Սովորողների գիտելիքների արտաքին գնահատում իրականացնելու համար տրամադրում է ընթացիկ, ավարտական, միասնական քննությունների թեստեր անսահմանափակ տարբերակներով:

Ծրագրի նպատակը
1. Ուսումնական գործընթացի և գնահատման որակի բարձրացում
2. Գիտելիքների ստուգման նոր մեթոդների կիրառում
3. Կրթական առաջադեմ տեխնոլոգիաների ներդրում ՀՀ և ԼՂՀ դպրոցներում
4. Ուսուցիչների ներգրավում թեստերի կազմման աշխատանքներին
5. Սովորողի գիտելիքների օբյեկտիվ և անկողմնակալ գնահատում
6. Ուսումնական գործընթացների արդյունավետության բարձրացում
7. Անկախ գնահատողի առկայություն դպրոցում
8. Սովորողի առաջադիմությանը հետևելու ևս մեկ գործիքի տրամադրում դպրոցի տնօրինությանը և ծնողին
9. Ընթացիկ, ավարտական, միասնական քննություններին նախապատրաստվելու հնարավորություն ողջ ուստարվա ընթացքում:

Ծրագրի առանձնահատկությունը
1. Ծրագրին կարող են մասնակցել ՀՀ-ի և ԼՂՀ-ի բոլոր դպրոցները` անկախ աշխարհագրական դիրքից և աշակերտների թվից:
2. Թեստերի տարբերակները դասասենյակում առկա սովորողների թվով են, որը բացառում է արտագրության հնարավորությունը:
3. Թեստերում առկա առաջադրանքները կազմված են ԳԹԿ-ի առարկայական ուղեցույցներին համապատասխան:
4. Ուսուցիչները մասնակցում են առաջադրանքների բազայի ձևավորմանը (որի համար Կազմակերպությունը վճարում է):
5. Սովորողները հնարավորություն են ստանում նախապատրաստվել ընթացիկ, պետական ավարտական և միասնական քննություններին:
6. Դպրոցի տնօրինությունը, ծնողը հնարավորություն են ստանում տեսնել սովորողի գիտելիքների գնահատականն անկախ գնահատողի կողմից, ինչպես նաև օգտագործել այդ գնահատականը որպես սովորողի գիտելիքների ընթացիկ, ամփոփիչ գնահատական և վերլուծական տվյալ:

Ծրագրի ընթացքը
1. Ուսումնական հաստատությունը կնքում է պայմանագիր:
2. Դպրոցի տնօրենը կատարում է սահմանված անդամավճարի փոխանցում` համաձայն պայմանագրի:
3. Կազմակերպությունը երկու ամիսը մեկ անգամ ուսումնական հաստատության տնօրենի էլեկտրոնային հասցեին է ուղարկում թեստեր ու դրանց պատասխանների էլեկտրոնային տարբերակը:
4. Թեստերի նպատակային օգտագործումից, արդյունքների հրապարակումից, մասնագիտական ուսումնասիրություններից հետո դպրոցի տնօրենը սահմանված ժամանակացույցում ստանում է թեստերի նոր օրինակները:
5. Սույն ընթացակարգը գործում է ողջ տարվա ընթացքում` ընդամենը 4 անգամ:

Ծրագրի ֆինանսները
Դպրոցը ծրագրին մասնակցելու համար յուրաքանչյուր փոխանցում է սահմանված անդամավճարը: Անդամավճար միանվագ է` մեկ տարվա համար: